काठमाडौं- फिलिपिन्सका एक ११ वर्षीय बालक घन्टौँसम्म फ्रिजभित्र बसेर पहिरोबाट बच्न सफल भएका छन् ।

न्यू योर्क पोस्टका अनुसार बेबे शहरमा सीजे जस्मे नाम गरेका ती बालक आफ्नो परिवारसँग घरमा बसेका थिए । त्यही बेला ठूलो माटोको पहिरोले उनीहरूको घर पुरेको थियो ।  

पहिरोले घर पुर्न थालेपछि ११ वर्षीय ती बालकले तत्काल फ्रिजभित्र पसेका थिए । आँधीबाट बच्न उनी २० घन्टा फ्रिजभित्र बिताएका थिए ।

नदीको किनारमा रेफ्रिजरेटर देखेपछि अन्ततः उद्धार टोली त्यहाँ पुगेको थियो । टोलीले उनलाई तत्काल उद्धार गरेको थियो । 

उनीहरूले टुटेको फ्रिजलाई हिलोबाट बाहिर निकालेर बालकलाई बचाएका थिए । ‘मलाई भोक लागेको छ’ उद्धारपछि ती बालकको भनाई उद्धृत गर्दै न्यूयोर्क पोस्टले जनाएको छ ।

। उनको खुटा भाँचिएको छ । बच्चाको अवस्था स्थिर छ । बाढीका कारण उनका आमा र दुई दाजुभाइ अझै बेपत्ता छन् ।

मेगी आँधीपछि आएको अविरल वर्षापछिको बाढीका कारण लेटे प्रान्तमा दर्जनौँको मृत्यु भएको छ भने अझै केही हराइरहेका छन् ।