काठमाडौं – विश्वभर थप ३६ लाख ३१ हजार भन्दा धेरै कोरोना सङ्क्रमित थपिएका छन् । गत २४ घण्टामा यो खबर तयार पार्दासम्म ३६ लाख ३१ हजार नयाँ सङ्क्रमित थपिएका कोरोनाको तथ्याङ्क अद्यावधिक गर्दै आएको वल्डोमिटरले जनाएको छ ।

योसँगै विश्वभर कोरोना सङ्क्रमण पुष्टि हुनेको सङ्ख्या ३४ करोड ६७ लाख ८५ हजार ३ सय ८१ पुगेको छ ।

यस्तै २४ घण्टामा १६ लाख ३५ हजार ५ सय ७६ जनाको निको भएसँगै कोरोनाले मृत्यु हुनेको सङ्ख्या ५६ लाख तीन हजार ३६ रहेको छ ।

अझै पनि विश्वभर ६ करोड ४६ लाख सक्रिय सङ्क्रमित रहेका र त्यसमध्ये ९५ हजारको अवस्था जटिल र बाँकीको अवस्था सामान्य रहेको वल्डोमिटरले उल्लेख गरेको छ ।

अहिलेसम्म सबैभन्दा धेरै संयुक्त राज्य अमेरिकामा ७ करोड १३ लाखमा कोरोना पुष्टि हुँदा ४ करोड ४१ लख निको भएका छन् । ८ लाख ७ हजारको भने मृत्यु भएको छ । अमेरिकामा गत २४ घण्टामा ७ लाख ६६ हजार नयाँ सङ्क्रमित थपिँदा १ लाख १ हजार निको भएका छन् । २ हजार ७ सय ७४ जनाको भने मृत्यु भएको छ ।