काठमाडौँ– युरोपेली केन्द्रीय बैंकले ब्याजदर बढाएको छ । ११ वर्षपछि युरोपको केन्द्रीय बैंक इसीबीले ब्याजदर बढाएको छ ।

बजारमा मुद्रास्फीति बढ्दै गइरहेको अवस्थामा इसीबीले ब्याजदर शून्य दशमलब ५ प्रतिशत बढाएर शून्य प्रतिशतमा पुर्‍याएको थियो । यसअघि सन् २०१४ यता इसीबीले ब्याजदर ऋणात्मक शून्य दशमलब ५ प्रतिशत कायम गरेको थियो ।

व्यावसायिक वित्तीय संस्थाहरुलाई केन्द्रीय बैंकमा पैसा जम्मा गर्ने भन्दा पनि कर्जा दिन प्रोत्साहन गर्ने उद्देश्यले यस्तो कदम चालिएको हो ।

यसबाहेक इसीबी यही वर्ष पुनः ब्याजदर बढाउने तयारीमा समेत रहेको बीबीसीले जनाएको थियो ।

युरोपेली बजारमा मुद्रास्फीति बढेर ८ दशमलब ६ प्रतिशत पुगेको छ । इसीबीले यो वर्ष मुद्रास्फीति २ प्रतिशतसम्म सीमित राख्ने लक्ष्य लिएको थियो ।