काठमाडौँ– बुधवार राति भएको भारी वर्षापछि काठमाडौँका विभिन्न नदीमा पानीको बहाव बढेको भन्दै मौसम विज्ञान विभागले सचेत रहन आग्रह गरेको छ ।

सम्भावित बाढीबाट जोगिन धोबिखोला, विष्णुमती किनार बस्तीका बासिन्दालाई सतर्क रहन भन्दै विभागले सूचना जारी गरेर सचेत रहन आग्रह गरेको हो ।

विभागले बुधबार बेलुका जारी एक सूचना जारी गर्दै तटीय क्षेत्रमा सतर्कता अपनाउन आग्रह गरेको छ ।

विभागका अनुसार बुधवार राति ८ बजे विष्णुमती र धोविखोलाको जलाधार २ मिटरले बढेको छ। त्यसले सो क्षेत्रमा बाढीको खतरा उच्च रहेको छ विभागले जानकारी दिएको छ।

‘दुई घण्टासम्म परेको निरन्तर वर्षापछि विष्णुमती र धोबीखोलाको जलाधार २ मिटरले बढेको छ’ विभागको सूचनामा भनिएको छ, ‘विष्णुमतीको पानी बस्ती र सडकसम्म आउन सक्ने हुँदा भोलि बिहानसम्म तटीय क्षेत्रमा उच्च सतर्कता अपनाऔँ।’