कतार– खाडी तथा अफ्रिकी मुलुकको भ्रमणका क्रममा श्रम, रोजगार तथा सामाजिक सुरक्षामन्त्री कृष्णकुमार श्रेष्ठ कतार पुगेका छन् ।
कतार भ्रमणका क्रममा मन्त्री श्रेष्ठले समकक्षी मन्त्री डा. अल वीन समिख अल मारीसँग भेटवार्ता गरेका छन् ।
भेटमा दुई मुलुकको हितका साथै नेपाली श्रमिकहरूको हितका विविध पक्षमा पनि छलफल भएको छ ।
त्यसक्रममा मन्त्री श्रेष्ठले नेपाल र कतारबीचको श्रम सम्झौता नवीकरणका लागि नेपाल सरकारको मस्यौदाबारे पनि मन्त्री मारीलाई जानकारी दिएका थिए ।
यसअघि, मन्त्री श्रेष्ठसहितको टोली यूएई र अफ्रिकी मुलुक सिसेल्सको भ्रमण गरेको थियो ।
प्रतिक्रिया