काठमाडौँ- पूर्वी भूमध्यसागरका परम्परागत प्रतिद्वन्द्वी मुलुकहरु टर्की र ग्रिसबीच तनाव मत्थर हुन नसकेको अवस्थामा दुई छिमेकी मुलुक वार्तामा संलग्न हुनुपर्ने ग्रीसका प्रधानमन्त्री किरियाकोस मित्सोटाकिसले बताएका छन् ।

प्रधानमन्त्री किरियाकोस मित्सोटाकिसले स्थानीय रेडियो स्टेशन स्फेरासँगको अन्तर्वार्तामा वार्ता सधैं फलदायी नभए पनि वार्ता भने गरिनुपर्ने बताएका हुन् ।

‘हामीलाई के कुराले एकताबद्ध गर्छ र के कुराले हामीलाई विभाजित गर्छ त्यो दुबै देशका जनताले बुझेका छन्, त्यसैले हामीले हाम्रो मतभेद घटाउनुपर्छ । विवाद रातारात समाधान हुँदैनन् तर वार्ता भने जारी राख्नुपर्छ जसले एकदिन समस्या समाधानको बाटोमा लैजान्छ ।’ उनले भने ।

प्रधानमन्त्रीले भने एजियन र भूमध्यसागरमा सामुद्रिक र ऊर्जा विवादलगायत विभिन्न मुद्दाहरूले गर्दा दुई देशबीचको सम्बन्ध लामो समयदेखि तनावपूर्ण रहेको छ ।

पछिल्लो समय विभिन्न घटनालाई लिएर दुबै पक्षले एक अर्काविरुद्ध कडा टिप्पणी गर्दै आएका छन् ।

‘हामीसँग बलियो गठबन्धन र सशस्त्र बलहरू छन् । सबैलाई थाहा छ कि उनीहरू ग्रीससँग जिस्किन चाँहदैनन् प्रधानमन्त्री किरियाकोस मित्सोटाकिसले भनेका छन् ।