काठमाडौँ – रियालिटी शो ‘बिग बोस १३’ बाट चर्चामा आएकी मोडल शहनाज गिल अभिनयमा डेब्यु गर्ने भएकी छन् ।

‘बिग बोस १३’ बाट नोटिस भएकी शहनाजले सलमान खानको अभिनय रहने फिल्म ‘कभी इद कभी दिवाली’ फिल्ममार्फत अभिनयमा पाइला टेक्न लागेकी हुन् ।

केही समय अगाडी गायनमा उदाएकी शहनाजले फिल्मको छायांकन सुरु गरिसकेकी छन्। आफ्नो डेब्युलाई लिएर निकै उत्साहित रहेकी शहनाजले सञ्चार माध्यमलाई प्रतिक्रिया दिएकी छन् ।

बलिउड लाइफलाई प्रतिक्रिया दिँदै उनले भनिन् ,‘म यो फिल्मलाई लिएर निकै उत्साहित छु। किनकि यो फिल्मबाट मेरो ठूलो सपना पूरा हुँदैछ ।’फरहाद सामजीले निर्देशन गरिरहेको फिल्ममा सलमानसँगै दक्षिण भारतीय अभिनेत्री पूजा हेगडेको मुख्य भूमिका छ।

फिल्ममा आयुष शर्मा, राघव जुयालको पनि अभिनय रहनेछ। फिल्म छायांकनको लागि मुम्बईमा एक भव्य सेट तयार पारिएको छ।