काठमाडौं – संयुक्त राज्य अमेरिकामा मात्रै कोरोना संक्रमितको संख्या ८ करोडभन्दा धेरै पुगेको छ।

अमेरिकामा मात्रै अहिलेसम्म ८ करोड ६० हजारभन्दा धेरैमा कोरोना संक्रमण पुष्टि भएको कोरोनाको तथ्याङ्क अद्यावधिक गर्दै आएको वल्डोमिटरले उल्लेख गरेको छ।

पछिल्लो २४ घण्टामा मात्रै ३२ हजार ९ जनामा संक्रमण पुष्टि भएको छ। यस्तै गत २४ घण्टामा ९३ हजार ५२१ जना संक्रमणमुक्त भएसँगै संयुक्त राज्य अमेरिकामा मात्रै कोरोना जित्नेको संख्या ५ करोड १५ लाख नाघेको छ।

अझै पनि २ करोड ७५ लाख सक्रिय संक्रमित रहेको अमेरिकामा १२ हजारको अवस्था भने अझै पनि जटिल रहेको वल्डोमिटरले उल्लेख गरेको छ।

अहिलेसम्म विश्वभर ४२ करोड ३४ लाखमा संक्रमण पुष्टि हुँदा ३४ करोड ३ लाख निको हुँदा ५ लाख ९९ हजारको भने मृत्यु भएको छ।