काठमाडौँ– आकाश श्रेष्ठ र सिर्जना कार्की अभिनीत ‘बसन्ती’ बोलको गीत सार्वजनिक भएको छ ।

सार्वजनिक गीतलाई आकाश पाण्डेले निर्देशन गरेका हुन् । आकाश र सिर्जनाबाहेक गीतमा रञ्जित सिंहको पनि अभिनय देख्न सकिन्छ ।

माया प्रेमको भाव पस्कने गीतमा नवराज कलौनी र विद्या तिवारीको स्वर रहेको छ भने गीतमा संगीत राजेन्द्र भट्टको रहेको छ ।

गीतको शब्द रचना पनि नवराजकै रहेको छ । ज्ञानेन्द्र शर्माको छायांकन रहेको गीतलाई अर्जुन भुसालले कोरियोग्राफ गरेका हुन् । गीतमा मोहित मुनालको एरेन्ज र विकास ज्ञवालीको सम्पादन रहेको छ ।