काठमाडौँ : पछिल्लो समय नेपाली मोडलिङ क्षेत्रमा प्रवेश गर्ने मोडलको संख्या बढ्दो छ । मोडलिङ दुनियाँमा नाम कमाएर म्युजिक भिडियो हुँदै फिल्म खेल्ने युवायुवतीको संख्या झन् बढ्दो छ ।

तर यसका लागि सुरुवाती संघर्ष र चुनौति मोल्ने मोडल भने निकै थोरै छन् । यही चुनौति मोल्दै मोडलिङ दुनियाँमा पाइला राख्ने मोडल हुन्, मोनिका बुढाथोकी । काठमाडौँको कपन स्थायी घर भएकी मोनिकाले एक संस्थामार्फत प्रशिक्षण लिएर मोडलिङमा भित्रिएकी हुन् ।

उनका बुवा शिक्षक हुन् । बुवा उनलाई अरु नै पेशामा देख्न चाहन्थे । तर उनले मोडलिङ क्षेत्र नै रोजिन् । मोडलिङसँगै पढाइलाई समेत अगाडि बढाएकी उनले ‘मिस नेशनल २०१७’ पनि भाग लिएकी थिइन् ।

विभिन्न सांगीतिक कार्यक्रमसँगै फेशन कार्यक्रममा समेत सक्रिय उनी म्युजिक भिडियोमा अभिनय गर्दै आइरहेकी छन् । कथा प्रधान म्युजिक भिडियो र फिल्ममा अभिनय गर्न चाहेपनि उनका पछिल्लो अभिनय हट पोजमा धेरै छन् । जसले उनलाई हट मोडल पनि भन्ने गर्छन् ।