काठमाडौँ– अमेरिकाले युक्रेनमा जारी युद्धमा चीनका कतिपय कम्पनीहरुले रुसलाई सहयोग गरिरहेको आरोप लगाएको छ ।

अमेरिकाको उद्योग एवम् सुरक्षा ब्युरोले प्रतिवेदन सार्वजनिक गर्दै कतिपय चिनियाँ कम्पनी एवम् शोध एवम् अनुसन्धान प्रतिष्ठानहरुले युक्रेनमा जारी लडाईँमा चिनियाँ कम्पनीहरुले रुसलाई सहयोग गरिरहेको आरोप लगाएको हो ।

अमेरिकाको व्यापार मन्त्रालयका अनुसार रुसलाई युक्रेनमा विभिन्न ९ मुलुकमा रहेका ३६ कम्पनीहरुले सहयोग गरिरहेको जनाएको हो । यीमध्ये ६ कम्पनीहरुले रुसी सेनालाई सहयोग गरिरहेको ब्यापार मन्त्रालय अन्तर्गतको उद्योग एवम् सुरक्षा ब्युरोले जनाएको छ ।

मन्त्रालयका अनुसार यीमध्ये पनि दुई चिनियाँ कम्पनीहरुले सन् २०१८ यता रुसी फौजलाई सहयोग गरेको वा सहयोग गरिरहेका छन् । यस्ता कम्पनीहरुलाई रुसलाई सहयोग पुग्ने गतिविधि नगर्न समेत अमेरिकाले आग्रह गरेको छ ।