काठमाडौँ- नेपथ्य ब्याण्डका गायक अमृत गुरुङले नेपाली फिल्म ‘दोख’ को शीर्ष गीत गाएका छन् । संवत उनले पहिलो पटक फिल्मको लागि प्ले ब्याक गाएका हुन् । एक कार्यक्रम बिच सार्वजनिक गरिएको  ‘वन चरी उड्यो’ बोलको गीतमा कवि तथा गीतकार श्रवण मुकारुङको शब्द, आभासको संगीत रहेको छ । कार्यक्रममा बोल्दै गायक गुरुङले प्ले ब्याक नगाउने अडान भएता पनि निर्देशक तथा मित्र अनुप बरालका कारण यो सम्भव भएको बताए ।

नजिकको साथी अनुपले आग्रह गरेपछि उसकै लागि ‘दोख’ मा गीत गाएको हुँ ।’ गीतलाई नेपथ्य ब्याण्डले एरेन्ज गरेको हो । लाइभ रेकर्डिङको प्रचलन करिब/करिब हटिसकेको अवस्थामा ‘वन चरी उड्यो’ गीत भने लाइभ रेकर्डिङ गरिएको जानकारी दिइयो । ‘सिर्जना गर्न साह्रै गाह्रो छ’ कार्यक्रममा गायक गुरुङले भने, ‘सिर्जनालाई माया गरिदिनुभयो भने अर्को सिर्जना गर्ने हौसला मिल्नेछ ।’ यहि असार २४ गतेबाट देशव्यापी प्रदर्शनमा आउने तयारीमा रहेको फिल्मको कथा राजन कठेतले लेखेका हुन् ।

माओवादी द्वन्द्व कालखण्डमा सामुदायिक बनको मुद्दालाई लिएर दुई वटा गाउँबिचको किचलोको कथा प्रस्तुत गरिएको छ । यसमा दिया मास्के, मनिष निरौला, लोकमणि सापकोटा, माओत्से गुरुङ, रोय दिभ, राज थापा, सुरज मल्ल, कमल देवकोटा, साजन थापा मगर लगायतका कलाकारहरूको अभिनय छ ।