काठमाडौँ – एसीसी महिला टी–२० प्रतियोगितामा नेपालले विजयी सुरुवात गरेको छ ।

मलेसियाको क्वालालम्पुरमा आज बिहान भएको खेलमा नेपालले भुटानलाई ५० रनले पराजित गरेको हो ।

नेपालले दिएको ९५ रनको लक्ष्यमा जवाफी ब्याटिङ गरेको भुटान १७ ओभर ५ बलमा समेटिँदा मात्र ४४ रन बनाउन सक्यो ।

भुटानलाई सस्तैमा समेट्न नेपालकी सङ्गीता राईले ४, कविता कुँवर र सीता राना मगरले समान २-२ तथा अस्मिना कर्मचार्य र ईन्दु बर्माले १–१ विकेट लिए ।

टस जितेर पहिले ब्याटिङ रोजेको नेपालले निर्धारित २० ओभरमा ९ विकेट गुमाएर ९४ रन बनायो । नेपालका लागि काजल श्रेष्ठले २६ रन र कप्तान रुबिना क्षेत्रीले २१ रन बनाइन् ।

शनिबार हुने खेलमा नेपालले कुवेतसँग दिउँसो पौने १ बजे प्रतिस्पर्धा गर्नेछ । तेस्रो खेलमा नेपाल र बहराइन आमने सामने हुनेछन् । चौथो खेलमा नेपाल र हङकङ भिड्नेछन्।