काठमाडौँ– फिल्म ‘सम्हालिन्छ कहिले मन’ भदौ १७ मा प्रदर्शन हुने भएको छ । कोरोना महामारीले प्रदर्शन प्रभावित बनिरहेको फिल्मले अन्ततः रिलिज निश्चित गरेको हो । सुदर्शन थापा निर्देशित लभस्टोरी फिल्म एबी इन्टरनेसनलले निर्माण गरेको हो । फिल्ममा पूजा शर्मा, आकाश श्रेष्ठ र सोनम तोप्देनको मुख्य भूमिका छ । निर्माण कम्पनीले फिल्म रिलिज घोषणा गरेको हो । 

यस अगाडि फिल्म भदौ १० मा रिलिज हुने चर्चा भएको थियो । यद्यपि निर्माण पक्षले खाली रहेको डेटमा आउने निश्चित गरेको हो । निर्देशक थापाले अन्य फिल्मसँग जुध्नु राम्रो नहुने भएकाले खाली डेट रोजिएको बताए । ‘हामी अन्य फिल्म भएको डेटमा प्रदर्शन हुने भन्दा पनि खाली डेटमा आउने निश्चित थियौँ । वितरकहरुसँगको छलफल पश्चात डेट घोषणा गर्न निर्माण कम्पनीलाई भनेको थिएँ निर्देशक थापाले भने ।