भारतको यूपीस्गित बुलन्द शहरको एक माछा अहिले सामाजिक सञ्जालमा निकै चर्चामा छ । यस माछाको एकातिर अल्लाह र अर्को तिर लेखिए जस्तो देखिएको छ । यस अनौठो माछालाई किन्न करीबन ५ लाखसम्म खर्च गर्न समेत मानिसहरु तयार भएका छन् ।

बुलन्द शहरका व्यापारी अंकुर सिंघल ड्राई क्लीनरको काम गर्दछ । उनले पसलमा एक्वेरियममा माछा पालेका छन् । उनले ३ वर्ष पहिले अस्कर प्रजातिको माछा किनेर ल्याएका थिए । तर जति जति माछा बढ्दै गयो त्यसको बाहिर भागमा एका तिर अल्लाह र अर्को तिर मोहम्मद लेखिएको जस्तो चिन्ह देखिँदै गयो ।

सुरुमा ती व्यापारीलाई उनको पसलमा काम गर्ने मुस्लिम कारीगरले यसबारे बताएका थिए । तर उर्दू नजानेका उनले उर्दू–अरबी जान्ने व्यक्ति बोलाए र तिनले माछाको बाहिर भागमा अल्लाह र मोहम्मदको लेखिएको बताएपछि उनले विश्वास गरेका थिए ।

माछामा मोहम्मद र अल्लाहको चिन्ह भेटिएपछि कैयौँ समृद्ध मुसलमानले त्यसलाई किन्न ३ लाख भारुसम्मको बोलकबोल गरे । तर ती व्यापारीले त्यसलाई बेच्न चाहेका छैनन् । अहिले उनको पसलमा ग्राहक भन्दा माछा हेर्न आउनेको भिड लाग्ने गरेको छ ।