काठमाडौँ– देश छाडी भागेका श्रीलंकाका राष्ट्रपति गोताबाया राजपाक्षे सिंगापुर पुगेका छन् ।
चरम आर्थिक संकट तथा अत्यावश्यक वस्तुको अभाव खेपिरहेका जनताको आक्रोश थाम्न नसकी देश छाडेर मालदिभ्स पुगेका राजपाक्षे साउदीया एअरलाइन्सको विमानमार्फत् सिंगापुरको चाङ्गे विमानस्थल ओर्लेका हुन् ।
उनी स्थानीय समयअनुसार ७ बजेर १७ मिनेटमा चाङ्गे विमानस्थल पुगेको श्रीलंकाबाट प्रकाशित हुने डेली मिररको अनलाइन संस्करणले जनाएको छ ।
उनी सिंगापुरबाट आजै मध्यपूर्वको कुनै मुलुक लाग्ने बताइएको छ ।
मालदिभ्सको राजधानी मालेबाट आफ्नी श्रीमती र केही सहयोगीका साथ उनी सिंगापुर उडेका थिए ।
प्रतिक्रिया