काठमाडौँ– बलिउड अभिनेत्री कंगना रनौतले हलिउड फिल्महरू प्राचिन धर्मशास्त्रबाट लिइएको दाबी गरेकी छिन् ।

आफ्नो अभिव्यक्तिका कारण विवादमा आइरहने यी अभिनेत्रीले आफ्नो फिल्मको प्रचारप्रसारकै क्रममा हलिउडका सुपरहिरो फिल्म हिन्दू धर्मशास्त्रबाट प्रेरित रहेको बताएकी हुन् । उनले यसो भनेसँगै यतिबेला यसले सामाजिक सञ्जालमा ‘बहस’ को स्थान पाएको छ । उनले हलिउड सुपरहिरो र पौराणिक हिरोमा थुप्रै समानता भेट्न सकिने बताएकी हुन् ।

आइरन म्यान कर्णबाट प्रेरित, थोर हनुमानसँग प्रेरित रहेको उनले बताएकी हुन् । ‘आइरनमेनको कवच जुन छ त्यो कर्णबाट प्रेरित देखिन्छ । कर्णले पनि सुरक्षाका लागि त्यस्तै कवच धारण गर्ने गरेको हामीले पढेका छौँ,’ उनले भनेकी छिन्, ‘थोर र उसको हथौडालाई हनुमानको गदासँग तुलना गर्न सकिन्छ ।’ उनी अभिनित फिल्म ‘धाकड’ आउँदो मे २० मा रिलिज हुँदैछ ।

फिल्ममा उनी एक्सन अवतारमा प्रस्तुत छिन् ।