१. दुई-दुई चम्चा करेला र अमलाको रसको मिश्रणलाई दैनिक पिउने ।

२. करेलाको रस निकाल्न नसके काँचै वा उसिनेर त्यसमा स्वादअनुसार नुन राखी खानाले वा ५ वटा ताजा बेलको पात र १० दाना मरीच मिलाएर पिसी अमलाको रसमा नियमित पिउनाले ।

३. तीतेकरेलाको जुस बनाएर नियमित बिहान खाली पेटमा एक गिलास पिउनाले वा काँचो मेवा, खयरको कत्था, सुपारीको काँडा पानी बनाई नियमित सेवन गर्नाले ।

४. जामुनको कलिला पातलाई ८–१० चम्चा पानीमा पिसेर छानी बिहान खाली पेटमा सेवन गर्नाले यस रोगबाट मुक्ति मिल्दछ ।

५. ५० ग्राम जामुनको गुदी, ५० ग्राम गुर्जोमा मिलाएर पिसेर अमलाको रसमा मिलाउने र गोली बनाई ४-४ रतिका दरले दिनमा ३ पटक ताजा महमा खानाले ।

६. दुई चिया चम्चा मेथीलाई पिसेर पानीमा भिजाउने र त्यसलाई भोलिपल्ट छानी खाली पेटमा केही महिनासम्म नियमित सेवन गर्नाले राम्रो फाइदा गर्छ ।

७. ४-५ वटा जामुनको दानालाई नियमित चपाउने वा जामुनको दानालाई सुकाई पिसी धुलो बनाउने र उक्त धुलोलाई बिहान बिहान २ चम्चाको दरले चिसो पानीमा मिलाएर सेवन गर्नाले राम्रो फाइदा गर्छ ।

८. जामुनको कलिला मुन्टा बेलको पात, गुजरगानो, गुर्जो, दूबो, निमको बोक्रालाई सुकाई पिसी धुलो बनाउने र उक्त चूर्ण चम्चालाई अमलाको रसमा मिलाएर दिनको ३ पटक खाली पेटमा सेवन गर्नाले चिनीरोग निर्मूल हुन्छ ।

साभार : ‘हाम्रो घरको डाक्टर’ पुस्तकबाट