काठमाडौं– हालैमात्र सामाजिक सञ्जाल ट्विटरको सबैभन्दा ठूलो शेयरधनी बनेका इलोन मस्क कम्पनीको सञ्चालक बोर्डमा भने सहभागी नहुने भएका छन् ।

ट्विटरका प्रमुख कार्यकारी पराग अग्रवालले मस्क ट्विटरको बोर्डमा सहभागी नहुने जानकारी दिएका हुन् । ट्विटरको ९ दशमलब २ प्रतिशत शेयर खरिद गरेका मस्कले यही शनिबार कम्पनीको बोर्डमा आबद्ध हुने तय थियो ।

तर, सोही दिन बिहान मस्कले बोर्डमा सहभागी हुने जानकारी दिएको अग्रवालको भनाइ छ । ‘इलोनले त्यही बिहान बोर्डमा सहभागी नहुने जानकारी दिएका थिए ।’ अग्रवालले ट्विट गरेका छन् ।

टेस्ला कम्पनीका मालिक समेत रहेका मस्क ट्विटरको सबैभन्दा ठूला शेयरधनी रहिरहने र उनको योगदानका लागि कम्पनी सधैँ खुला रहेको अग्रवालको भनाइ छ ।