काठमाडौं–अभिनेता तथा निर्माता दीपकराज गिरीले शुक्रबार फेसबुकमा एक स्टाटस लेख्दै एमसीसीबारेको निर्णय सडकबाट नभई सदनबाटै हुनुपर्ने माग गरेका छन् । उनले जनताको प्रतिनिधि सांसद भएकाले त्यसको निर्णय उनीहरूले गर्न पाउनुपर्ने उल्लेख गरेका छन् ।

‘मेरो निर्णय, मैले भोट हालेको सांसदले गर्नेछन् । सांसद भनेको मेरो प्रतिनिधि हो, यसको शाब्दिक अर्थ पनि त्यही हो । निर्णय उनीहरूबाट नै हुनुपर्छ । निर्णय सडकबाट होइन, सदनबाटै गर्ने हो,’ उनले लेखेका छन् ।

दीपकले नेपालको परराष्ट्र नीति नेपालको हितमा हुनुपर्नेमा जोड दिँदै ‘लिंग नखुलेको परराष्ट्र नीति’को दिन गएको लेखेका छन् । ‘आफ्नो देशलाई दीर्घकालिक फाइदा जता हुन्छ त्यहाँ स्पष्ट भएर उभिनु पर्यो । इतिहास हेर, हिसाब गर, स्पष्ट भैसक्यो,’ उनले लेखेका छन् ।

https://www.facebook.com/deepakrajgiri84/posts/5086652748065025