काठमाडौँ– नवल खड्का निर्देशित फिल्म ‘काँडेतार’ को टिजर सार्वजनिक भएको छ । सार्वजनिक टिजर नवलमै केन्द्रित छ । एक्सनले भरिभराउ रहेको टिजरमा राष्ट्रवादी समस्यालाई नै नवलले देखाएका छन् । यसअघिका फिल्महरु ‘दशगजा’, ‘भिमदत्त’ झैँ यो पनि सिमानाको विषयमा केन्द्रित छ । 

सार्वजनिक टिजरमार्फत राष्ट्रको अस्मिता बचाउन मृत्युको पर्वाह नहुने सन्देश दिन खोजिएको छ । फिल्ममा नवल खड्का, गौरव पहारी, रेविका गुरुङ, सुरविना कार्की, मुरलीधर, प्रेम सुब्बा, परशुराम चौधरी, सञ्जय खतिवडा, राजेन्द्र भगत, पन्नालाल सिकदार, प्रकाश गिरीका साथै बाल कलाकार नादिया खड्का र सनया खड्काले अभिनय गरेका छन् । मणि थापा र दीपक शर्माको संगीत रहेको ‘काँडेतार’ को छायांकन सौरभ लामाले गरेका हुन् । फिल्ममा श्री श्रेष्ठको द्वन्द्व र कविराज गहतराजको कोरियोग्राफी रहेको छ ।