काठमाडौं- स्याली अल्स्चुलरको लेखन र स्भेन नोर्कि्वस्टको चित्राङ्कन रहेको चित्रकथा ‘डेभिड र गोलायथ’ प्रकाशित भएको छ ।

स्याली अल्स्चुलर बिस वर्ष भन्दा बढी शिक्षण पेशामा आबद्ध छन् ।उनी बालसाहित्यको श्रीवृद्धिमा र प्रशिक्षणको क्षेत्रमा विगत लामो समयदेखि कार्य गर्दै आइरहेका छन् ।  उनी रचनात्मक लेखकका रुपमा चिनिन्छन् ।

कथालय इन्कद्वारा प्रकाशित यस चित्रकथाको नेपाली अनुवाद भिक्टर प्रधानले गरेका हुन् ।डेनमार्कमा प्रकाशित ‘डेभिड र गोलायथ’ शीर्षकको पुस्तक नेपाली भाषामा अनुवाद एवम् प्रकाशन गरिएको छ ।

यो पुस्तक जनकपुर साहित्य महोत्सव, जनकपुरमा वि.सं. २०७८ साल फाल्गुन २० गते विमोचन गरिएको थियो । पुस्तक विमोचन कार्यक्रममा उपस्थित हुन लेखक स्याली अल्स्चुलर डेनमार्कबाट नेपाल आउनुभएको थियो ।