काठमाडौं– युक्रेनी राष्ट्रपति भोलोदिमिर जेलेन्स्कीले युक्रेनमा फेरि एकपटक दुष्ट पसेको टिप्पणी गरेका छन् ।
दोश्रो विश्वयुद्धमा जर्मनीको हारको वार्षिकोत्सव अर्थात विजय दिवसका दिन सम्बोधन गर्दै युक्रेनमा फेरि एकपटक दुष्ट पसेको टिप्पणी गरेका हुन् ।
‘दुष्ट फर्केको छ । फेरि !’ जेलेन्स्कीलाई उद्धृत गर्दै कतारी टेलिभिजन च्यानल अल जजीराले जनाएको छ ।
‘फरक शैलीमा, फरक नाराका साथ, तर उही उद्देश्यले ।’ उनले भने, ‘कुनै पनि दुष्ट जिम्मेवारबाट भाग्न सक्दैन, बंकरमा पनि लुक्न सक्दैन ।’
नाजी तानाशाह एडल्फ हिटलरले आफ्ना अन्तिम दिनहरू जर्मनीको राजधानी बर्लिनमा रहेको बंकरमा लुकेर बिताएका थिए । अन्त्यमा उनले आत्महत्या गरी प्राण त्यागेका थिए ।
प्रतिक्रिया