काठमाडौँ– अन्तर्राष्ट्रिय नारी दिवसको अवसरमा काठमाडौँमा महिला बक्सिङ प्रतियोगिता भएको छ ।

मंगलबार ठमेलस्थित एलओडी क्लबमा महिला बक्सिङ आयोजना भएको हो । एलओडी क्लब, बक्समान्डु जीम र कान्तिपुर टेलिभिजनको संयुक्त आयोजनामा भएको

खेलमा ४९ केजीदेखि ६० केजी समूहका महिला खेलाडीहरू सहभागी भएका थिए ।

प्रतिष्ठा अर्याल, माया गुरुङ, सुस्मा तामाङ, माला राई, अस्मिता दुवा, ललिता महर्जन, मिनु गुरुङ, निशा तामाङ, हेमा राई, सुस्मिता राई, डेचेन पाङकर्मा शेर्पा, नरीका राई, संगीता सुनुवार र पुनम रावल बक्सिङमा सहभागी थिए ।

नारी सशक्तीकरणका लागि महिलाहरू पनि सक्षम रहेको सन्देश दिन बक्सिङ आयोजना गरिएको एलओडीका निर्देशक भुपेनशमशेर कुँवेरले बताए ।

महिलाले सामाजिक वा कानुनी रूपबाट भोग्नुपरेको भेदभाव हटाउन यस्ता कार्यक्रमले थप बल पुग्ने उनले विश्वास व्यक्त गरे ।