काठमाडौँ- सन् २०४७ सम्म भारतको अर्थतन्त्र ३०० खर्ब डलर पुग्ने भारतीय वाणिज्य तथा उद्योगमन्त्री पियूष गोलले जनाएका छन् । भारतीय समाचार संस्था एएनआईका अनुसार दक्षिणी सहर बैङ्गलोरमा सम्बोधन गर्दै मन्त्री गोयलले भारतको अर्थतन्त्र सन् २०४७ सम्म ३०० खर्ब डलर पुग्ने बताएका हुन् ।
हाल भारतको केन्द्र सरकारले साना व्यवसायलाई प्रोत्साहन गरिरहेको र विद्युतीय व्यापारको माध्यममा समान पहुँच पुर्याउन पनि लागिपरेकाले मुलुकको आर्थिक भविष्य उज्जवल रहेको बताए ।
उनले कोभिड महामारीपछिको समयमा अन्य मुलकले उच्च मुद्रास्फीतिको सामना गरिरहेको भएपनि भारतले यसको सफल नियन्त्रण गरेको समेत उल्लेख गरे ।
प्रतिक्रिया