काठमाडौँ- अफ्रिकाको सबैभन्दा ठूलो भिक्टोरिया तालमा तान्जानियाली विमान दुर्घटनामा परेको छ । अधिकारीहरुलाई उद्धृत गर्दै अमेरिकी टेलिभिजन सीएनएनका अनुसार भिक्टोरिया तालमा प्रेसिजन एअरको विमान दुर्घटनामा परेको हो ।
प्रेसिजन एअरका अधिकारीका अनुसार बुकोबा विमानस्थल नजिकैविमान खसेको थियो । अधिकारीहरुका अनुसार विमानमा दर्जनौं यात्रु रहेकाले मृत्यु हुनेको सङ्ख्या अझै यकिन भइसकेको छैन ।
प्रेसिजन एयर दार एस सलाम सहरमा आधारित तान्जानियाको एयरलाइन्स हो । अनुसन्धान जारी रहेकाले घटनाको विस्तृत विवरण आउँन बाँकी छ ।
प्रतिक्रिया