काठमाडौँ– पछिल्लो समय रङ्गमञ्चमा नाटकहरू धमाधम मञ्चन भैरहेका छन् । यसैक्रममा किरात समुदायको सभ्यताको प्रतीक मानिने चर्चित खुवालुङमा आधारित रहेर नाटक खुवालुङ  ढुंगाको बाटो’  मञ्चन हुने भएको छ । सुनकोशी, अरुण र तमोर नदीको त्रिवेणीमा रहेको खुवालुङ ढुंगाको सभ्यतालाई लिएर रहेको मिथक र पछिल्लो समय भएको राजनीतिकरणलाई चित्रण गर्ने नाटकलाई किरण चाम्लिङ राईले निर्देशन गर्दैछन् ।

किरणले यसअगाडि ‘जोखाना’ र ‘लाटो पहाड’ नाटकबाट चर्चा कमाएका थिए। साउन ६ देखि २९ गतेसम्म काठमाडौंको थापागाउँस्थित मण्डला थिएटरमा नाटक मञ्चन हुन लागेको हो । नाटकमा पशुपति राई, मानङ लावती, इंगीहोपो कोइँच सुनुवार, संयोग गुरागाईं, अनु थापा, सविना थापा क्षेत्री,, प्रशंसा गुरुङसहित ३० जना कलाकारले अभिनय गर्ने भएका छन् ।