काठमाडौँ– केकी अधिकारी र आँचल शर्मा अभिनीत फिल्म ‘झिँगेदाउ’ को पहिलो गीत सार्वजनिक भएको छ । मुकून भुसाल र कुशल बिष्टको समेत मुख्य भूमिका रहेको फिल्मको मंगलबार औपचारिक कार्यक्रमका बीच गीत सार्वजनिक गरिएको हो । ‘आगोबिना बिँडी जल्दैन’ बोल समावेश गीतलाई अर्जुन पोखरेलले संगीत गरेका हुन् ।

भैँसेपाटीको सिकाली चौरमा खिचिएको गीतमा केकी र आँचलसँगै मुकून भुसाल र कुशल बिष्टको नृत्य देख्न सकिन्छ । गीतमा रामजी लामिछानेको कोरियाग्राफी रहेको छ । 

लोक शैलीको गीतमा प्रविण बेडवाल र शान्तिश्री परियारको स्वर रहेको छ । गीत रचना रहेको छ, मुक्ता उदासको । भिमनिधी तिवारीको कथामा आधारित रही बनेको फिल्मलाई ज्ञानेन्द्र देउजाले निर्देशन गरेका हुन् । प्रदीप भारद्धाजले कथान्तरण गरेको फिल्म भदौ १७ मा प्रदर्शन हुँदैछ ।