काठमाडौँ- घनश्याम लामिछानेको निर्देशनमा बन्ने फिल्म ‘लन्डन टु पेरिस’ मा अभिनेत्रीमा साम्राज्ञी राज्य लक्ष्मी शाह अनुबन्धित भएकी छिन् । उनलाई फिल्म निर्माण गर्ने कम्पनी एबी इन्टरनेसनलले अनुबन्धित गरेको हो ।

बेलायत र फ्रान्समा सुटिंग हुने फिल्मको स्क्रिप्ट प्रदीप भारद्वाजले तयार पारेका छन् । फिल्मको सुटिंग आउँदो वर्षको असारबाट सुरु गर्ने निर्माताको तयारी छ ।

एबी इन्टरनेसनलले विदेशी फिल्मको वितरणको काम पनि गरिरहेको छ । यही समूहले अक्षयकुमारको ‘बच्चन पाण्डे’ वितरण गरेको थियो । फिल्मलाई अमित बस्नेत,अजित थापा, परी राना, अंकित गौगम,सनिश खकुरेल र अजित सिंह मिलेर निर्माण गर्ने छन् । ‘यो फिल्म महत्वकांक्षी केटि र जेन्टल केटाको लभ स्टोरी हो । यो मोडर्न कथा भएकैले हामीले लोकेसन पनि लन्डन र पेरिस तय गरेका हौँ । फिल्मको बारेमा आउँदो सातासम्म सबै जानकारी दिने छौँ’ निर्देशक लामिछानेले भने ।