काठमाडौँ– इंग्लिस प्रिमियर लिगमा म्यानचेस्टर युनाइटेडले आर्सनललाई पराजित गरेको छ । आइतबार राती युनाइटेडको घरेलु मैदान ओल्ड ट्राफर्डमा भएको खेलमा युनाइटेडले आर्सनललाई ३–१ ले पराजित गरेको हो ।

युनाइटेडको जितमा एन्टोनीले खेलको ३५ औं मिनेटमा युनाइटेडलाई अग्रता दिलाएका थिए । दोस्रो हाफको ६० औं मिनेटमा आर्सनलले बराबरी गोल फर्कायो । तर ६ मिनेटपछि नै युनाइटेडले रासफर्डको गोलमा पुन अग्रता लियो ।

७५ औं मिनेटमा रासफर्डले व्यक्तिगत दोस्रो गोल गर्दै युनाइटेडको अग्रता दोब्बर पारे । क्रिस्टियन एरिक्सनले वन भर्सेस वनको स्थितिमा पेनाल्टी क्षेत्र भित्रबाट दिएको पासलाई उनले सहजै गोल गरे ।

यस जितसँगै युनाइटेडको ६ खेलमा १२ अंक भएको छ । आर्सनल भने हारका बाबजुद पनि अंक तालिकाको शीर्ष स्थानमा छ ।