काठमाडौं– भारत प्रशासित जम्मु कश्मीरका तीन जिल्लाले क्षयरोग उन्मूलन गर्न उल्लेखनीय प्रयास गरेको भन्दै पुरस्कार जितेका छन् । जम्मु कश्मीरका तीन जिल्लाहरू अनन्तनाग, कुपवारा र पुलावामा जिल्लाले क्षयरोग उन्मूलन गर्न उल्लेखनीय प्रयास गरेको भन्दै पुरस्कार पाएका हुन् ।

यी जिल्लाहरूलाई स्वास्थ्य तथा परिवार कल्याण मन्त्रालयले स्वर्ण पदकसहित पुरस्कृत गरेको भारतीय समाचार संस्था एएनआईले जनाएको छ । मध्य प्रदेश, महाराष्ट्र, पश्चिम बंगाल र केरला राज्यका गरी अन्य ५ जिल्ला पनि क्षयरोग उन्मूलन गर्नेमा उत्कृष्ट ठहरिएको एएनआईले जनाएको छ ।

यी जिल्लाहरूले पछिल्लो ५ वर्षमा ६० देखि ८० प्रतिशतसम्म क्षयरोगको संक्रमण दर घटाएको जनाइएको छ । अरु ५६ जिल्लाहरूलाई क्षयरोग कम गरेबापत रजत पदक वितरण गरिएको एएनआईले जनाएको छ ।