काठमाडौँ– टाटा मोटर्स नेपालले वार्षिक मर्मत सेवा प्याकेज ‘टाटा मोटर्स केयर प्लस’ प्याकेज ल्याएको छ ।

टाटा मोटर्सले सिप्रदी ट्रेडिङ प्रा.लि.सँग मिलेर यो प्याकेज ल्याएको हो ।

केयर प्लस मर्मत योजनाले बचत र सुरक्षाको ग्यारेन्टी दिने कम्पनीले जनाएको छ ।

केयर प्लस योजना हाल टाटा नेक्सन पेट्रोलमा मात्र उपलब्ध रहेको र निकट भविष्यमा अन्य मोडलहरूमा पनि यो सेवा विस्तार गर्ने कम्पनीले जनाएको छ ।

सवारी मर्मतमा ह्विल अलाइनमेन्ट र सवारी साधनको धुलाईसहित निर्धारित सेवाहरू समावेश गरिएको छ । जसअनुसार ग्राहकले गाडी बिक्री भएको मितिदेखि २६५ दिनभित्र वा १५,५०० किलोमिटर गुड्नु अघि केयर प्लस प्याकेज लिन सक्ने छन् ।

केयर प्लस प्याकेज सिप्रदीका सबै २४ वटै सेवा केन्द्रहरूमा उपलब्ध रहेको जनाइएको छ ।