काठमाडौं– कोरोना महामारीका बीच निर्माण घोषणा गरिएको फिल्म ‘हामी तीन भाइ’को गीत रेकर्डिङ गरिएको छ । शुलभमणि सापकोटाको शब्द रहेको ‘झम्के फूली’ बोलको गीतमा अस्मिता अधिकारी र सापको स्वर छ । गीतमा साप शक्तिको संगीत तथा महाराज थापाको एरेञ्ज छ ।

गीत ए प्लस स्टुडियोमा रेकर्ड गरिएको हो । मधुसुदन भट्टराईको निर्देशनमा निर्माण हुन लागेको फिल्ममा सलोन बस्नेत, जाहन्वी बस्नेत, शिशिर राणा, विकाश चापागाई, दिक्षा पाण्डे, दीपक मगर, भुवन काफ्ले, नरेन केसी र टेकेन्द्र न्यौपानेलगायतका कलाकारको अभिनय रहनेछ । प्रसिद्धि सिने आर्टसको व्यानरमा निर्माण हुने फिल्मका प्रस्तुतकर्ता साजित महत हुन् ।

विक्रम तामाङ कार्यकारी निर्माता रहेको फिल्ममा हिमाल केसीको द्धन्द्व, कमल राईको कोरियोग्राफी, शिव ढकालको छायांकन, सुलभमणि सापकोटा गीत र मनिष गौतम तथा रिवाज दाहालको लेखन रहेको छ ।

पारिवारिक प्रेम कथामा आधारित रहने फिल्मको मुख्य सहायक निर्देशक विनय पौडेल र रामजी राउत हुन् । फिल्मको प्रोडक्सन कन्ट्रोलरमा शंकर बस्नेत र राम कार्की छन् । फिल्ममा शम्भुकुमार केसी विशेष सहयोगी छन् ।