काठमाडौँ– अन्ततः शाहरुख खानको अभिनय रहने र इटलीको निर्देशन रहने फिल्मको नाम घोषणा भएको छ । यी दुईको सहकार्यमा तयार हुने फिल्म ‘जवान’ को औपचारिक घोषणा गरिएको हो । भिडियो मार्फत घोषणा गरिएको फिल्म हिन्दी, तमिल, तेलुगु, मलयालम, कन्नडा गरी पाँच भाषामा रिलिज हुनेछ । फिल्म आउँदो वर्ष मात्र फिल्म प्रदर्शन हुनेछ । सार्वजनिक घोषणा गरिएको भिडियोमा शाहरूखको एक्सन अवतार देख्न सकिन्छ। उक्त भिडिओमा उनको आधा अनुहार ब्यान्डेजले छोपिएको छ। 

फिल्ममा शाहरूखसँगै दक्षिण भारतीय अभिनेत्री नयनतारा देखिनेछिन्। फिल्ममा शाहरूख डबल रोलमा देखिनेछन् भने नयनतारा पुलिस अफिसरको भूमिकामा देखिनेछिन्। शाहरूख र नयनतारासँगै फिल्ममा सान्या मल्होत्रा र सुनिल ग्रोवरको पनि अभिनय रहनेछ। दक्षिण भारतीय निर्देशक एटली कुमारले निर्देशन गर्ने फिल्ममा गौरी खानको लगानी रहनेछ।