काठमाडौँ– सोमबार साँझ एलओडी क्लबमा भारतका प्रभावशाली नेता तथा ‘कंग्रेस आइ’ का पूर्व अध्यक्ष राहुल गान्धी पुगेका थिए । 

बिना सुरक्षाकर्मी उनी त्यहाँ पुगेका थिए । जब उनी त्यहाँ पुगे तब क्लबको भित्रबाहिर सुरक्षा व्यवस्था कडा बनाइएको थियो । नेता गान्धी त्यहाँ पुग्दा क्लबका सञ्चालक कसैलाई थाहा थिएन । प्रभावशाली व्यक्ति क्लबमा पुग्दा क्लब सञ्चालक सबैजना सरप्राइज भएका थिए ।

एलओडीमा समय– समयमा भीआइपी व्यक्तिहरू देखा पर्ने गरेका छन् । यद्यपि नेता गान्धी बिना जानकारी क्लब पुगेका थिए । क्लबका अनुसार करिब २५ जनासहित गान्धी त्यहाँ बेलुकी ११ बजेर ४५ मिनेटमा पुगेका थिए । नेता गान्धी मध्यरातमा ठमेलस्थति एलओडी क्लब पुगे । उनी क्लबमा करिब डेढ घण्टा बसेका थिए । क्लबको अनुसार भिआइपी सेक्सनमा बसेर उनले ‘सफ्ट डिङ्रक’ मात्र खाएका थिए । क्लब भित्रको लाइट र संगीतसँगै केही क्षण हल्लिएको पनि देखिन्थे ।

नी भिस्तारा एयरलाइन्सको विमानबाट सोमबार अपरान्ह ५ बजे त्रिभुवन अन्तर्राष्ट्रिय विमानस्थलमा अवतरण गरेका नेता गान्धी पूर्व राजदूत भीम उदासकी छोरी सुम्‍निमा उदासको वैवाहिक समारोहमा बिहीबार सरिक हुने कार्यक्रम छ ।

 नेता गान्धीले पाँच दिन नेपालमा बिताउने छन् । नेपाल भ्रमणका क्रममा गान्धी रारा वा मुस्ताङ भ्रमणमा जान सक्ने स्रोतले बताएको छ । उनी शुक्रबार स्वदेश फर्कने छन् ।