धरान–युवापुस्ताका तीन लोकप्रिय गायकगायिका एकदेव लिम्बु, रचना रिमाल र अस्मिता अधिकारी आगामी पुष २४ गते धरानमा गुञ्जिने भएका छन् । सिल्भर इन्टरटेनमेन्टले आयोजना गर्न लागेको ‘नेपाल आइस मनोरञ्जन धमाका २०२२’मा दर्शकमाझ यी गायकगायिका प्रस्तुत हुन लागेका हुन् ।

धरानको पब्लिक हाइस्कुलको मैदानमा कन्सर्टमा गायक एकदेवले ‘आँखामा आउने सपनी’, ‘ब्ल्याक एण्ड व्हाईट’, ‘मन्द–मन्द’, ‘क्या राम्री’, ‘तिम्रो मुटुमा’, ‘लौ कान्छी’, ‘मेरी सानु’, ‘शिरफुल’ जस्ता गीत सुनाउनेछन् ।

‘नेपाल आइडल सिजन २’की थर्ड रनरअप अस्मिताले ‘तिम्रो मायाले बाँधेर राख’, ‘टाढा भएपनि’, ‘साली मन पर्यो’, ‘लज्जावती झार झैँ’, ‘को होला त्यो’ लगायतका गीतले दर्शकलाई मनोरञ्जन दिनेछिन् ।

‘नेपाल आइडल सिजन ३’ को टप आठसम्म पुगेकी रचनाले ‘फोटो फिरिममा’, ‘उनको प्रिती’, ‘एक चिम्टी सिन्दुर’, ‘काफल गेडी’, ‘रुमाल चिनो’ गीत गाउनेछिन् ।