काठमाडौं–चीनको बेइजिङमा आयोजना हुने शीतकालीन ओलिम्पिक्सको टर्च रिले सुरु भएको छ । शुक्रबारबाट आयोजना हुने उद्घाटन समारोहमा हजारभन्दा बढी टर्चवाहकहरु बेइजिङ र जाङजियाकोउको विभिन्न प्रतियोगिता स्थलतर्फ प्रस्थान गर्नेछन् ।

चीनले कोभिड–१९ को संक्रमणलाई ख्याल गर्दै केवल सीमित दर्शकको उपस्थितिमा रिले सञ्चालन गर्ने भएकाले सर्वसाधारणलाई अनलाईनमार्फत नै रिले अवलोकन गर्न आग्रह गरेको छ । रिलेको पहिलो ३ धावकमा सन् १९६३ मा चीनमा आयोजना भएको पहिलो शीतकालीन ओलिम्पिक्सका विजेता ८० वर्षीय पूर्व स्केटर लुव जिनहान, अन्तरिक्ष यात्री जिन हाई पाङ र चेनआई वान उपग्रह डिजाइनर ई पेसन रहेको बेइजिङ डेलीले जनाएको छ ।

रिलेमा एनबीए खेलाडी र ओलिम्पियन याओ मिङ पनि उपस्थित हुनेछन् । माघ २१ बाट सुरु भई फाल्गुण ८ गतेसम्म आयोजना हुने प्रतियोगितामा खेलाडीलाई दर्शकको सम्पर्कभन्दा टाढा राख्ने र सीमित दर्शकको उपस्थितिमा सञ्चालन गर्ने व्यवस्था मिलाइएको छ । कोभिड–१९ को महामारीका कारण खेलाडीको छनोट प्रक्रिया सञ्चालन गर्न नसक्दा शीतकालीन ओलिम्पिक्समा नेपालको सहभागिता भने नहुने भएको छ ।