काठमाडौँ– केही समय अगाडिसम्म साउथ इन्डियन फिल्मलाई हिन्दी भाषामा रिमेक गर्ने प्रचलन बढ्दो थियो । 

यद्यपि पुष्पाको सफलताले त्यसलाई केही हदसम्म रोकेको छ । साउथ इन्डियन फिल्महरू हिन्दीमा रिलिज हुनु र उनीहरूले नर्थ इन्डियामा पनि दर्शक पाउनुले रिमेक कम हुँदै गइरहेको छ । पुष्पाको सफलता पश्चात आरआरआर र केजीएफ : च्याप्टर २ जस्ता फिल्मले बक्स अफिसमा नयाँ नयाँ रेकर्ड बनाइरहेका छन्। यसैले गर्दा साउथकै रिमेक बच्चन पाण्डे , हिरोपन्ती २ जस्ता फिल्महरू सफल हुन् सकेका छैनन् । 

यसैले गर्दा विजय देवरकोण्डा अभिनीत फिल्म ‘वर्ल्ड फेमस लभर’ को रिमेक बन्ने खबर चर्चामै सिमित छ । फिल्म  ‘अर्जुन रेड्डी’ ले पाएको सफलता मार्फत ‘स्टार’ को ट्याग पाएका अभिनेता विजय अभिनीत फिल्म ‘गीता गोविन्दम’ ले पनि उस्तै सफलता पायो । ‘डियर कामरेड’ मार्फत चर्चा बटुलेका विजय ‘वर्ल्ड फेमस लभर’ लाई बलिउडका हिट मेकर करण जोहरले हेरेपछि रिमेक गर्ने बनाएका थिए ।

‘वर्ल्ड फेमस लभर’ को स्क्रीनप्लेमा केही बदलाव ल्याउँदै फिल्म बनाउने पक्षमा करण पुगेको भारतीय मिडियामा खबर नआएका होइनन् । यद्यपि हालै शहीद कपूर अभिनीत फिल्म ‘जर्सी’ को असफलता पश्चात करणले साउथ इन्डियन फिल्मलाई हिन्दी भाषामा रिमेक गर्ने सम्भावना निकै कम छ । 

उनले पनि अन्य निर्माता झैँ हिन्दी राइट्स खरिद गरेर सेम डेटमा फिल्मलाई दर्शक माझ पुर्‍याउने तयारीमा जुटेका छन् ।