काठमाडौं– गायक अनिस अधिकारी र रचना रिमालको स्वरमा रहेको ‘जाउँ न कान्छी जाउँ’ बोलको गीत सार्वजनिक भएको छ । गीतमा गायक अधिकारीकै शब्द तथा संगीत रहेको छ ।
टिकटकबाट चर्चामा आएका दुई कलाकार सुधीर श्रेष्ठ र गीता ढुंगाना भिडियोमा फिचर्ड छन् । टिकटकमा डोयट गर्ने क्रममा नजिक भएको जोडीको प्रेमलाई भिडियोमा उतारिएको छ ।
सुबोल थापाको निर्देशन र कोरियोग्राफी रहेको भिडियोमा बुद्ध थापाको छायांकन छ । अरुण थापा मगरद्वारा निर्मित भिडियोका सह–निर्माता आर्यन कार्की हुन् ।
अविगम्यान फिल्मस् एन्ड इन्टरटेन्मेन्ट यूट्युब च्यानलबाट गीत सार्वजनिक भएको हो । यो ब्यानरले निर्माण गरेको फिल्म ‘गणपति’ प्रदर्शनको पखाईमा रहेको छ ।
प्रतिक्रिया