काठमाडौँ– गल्फ लुब्रिकेन्टको लागि नेपालको आधिकारिक उत्पादक तथा वितरक नेपाल ल्युब आयल लिमिटेडले एड्भान्स क्लब्ड स्किम अन्तर्गत वालाजु स्थित साबुरा इम्पेक्सलाई भिट्रा ब्रेजा १५ सय सीसी गाडी प्रदान गरेको छ ।

सबयूरा इम्पेक्स गल्फ लुब्रिकेन्टको आधिकारिक रिटेलर हो। यसै क्रममा सेन्टरका प्रमुखलाई गाडीको साँचो हस्तान्तण गरिएको छ । नेपाल ल्युब आयलका डिपुटी जनरल म्यानेजर दीवाकर मिश्रले मंसिर १४ गते साबुरा इम्पेक्स का प्रोप्राइटर रामेश्वर घिमिरेलाई गाडी हस्तान्तरण गरेका थिए ।

नेपाल ल्युब आयल लिमिटेडले निरन्तर रुपमा विभिन्न योजनाहरु प्रदान गर्दै आएको छ । यसै सिलसिलामा २०७६-२०७७ तथा २०७७-२०७८ को २ वर्षको आवधि भित्र आफ्ना रिटेलरहरुले टार्गेट पूरा गरेको खण्डमा एड्भान्स क्लब्ड स्किम अन्तर्गत समावेश गर्ने गरी सम्झौता गरेको छ ।

नेपाल ल्युब आयल लिमिटेडले टु ह्वीलर रिटेलर स्किम तथा जिइओ तथा डीएओ रिटेलर स्किमको लागि पनि १ वर्षे सम्झौता गरेको छ ।

कुसुम इन्टर प्राइजेज प्रालि अन्तर्गत रही काठमाण्डु उपत्यका भित्र गल्फ लुब्रिकेन्टको लागि आधिकारिक वितरकका रुपमा कार्य गर्दै आएको छ । वालाजुमा कार्यलय रहेको साबुरा इम्पेक्सले विगत ३ वर्षदेखि गल्फ लुब्रिकेन्ट विक्री गरिसकेको छ ।