काठमाडौं– अर्थ नेपालको आयोजनामा काठमाडौंमा ‘तेस्रो साहारा एप सगरमाथा म्युजिक अवार्ड २०७८’हुने भएको छ । अवार्डका लािग आयोजकले आवेदन खुल्ला गरेका छन् ।

आयोजकले कोभिडका कारण सुस्ताएको नेपाली संगीत क्षेत्रलाई चलायमान बनाउन अवार्ड गर्न लागिएको संस्थाका अध्यक्ष मनोज थापाले बताए । यस वर्ष अवार्डमा राइड सेयरिङमा लोकप्रिय साहारा एपले सहकार्य गरेको छ ।

अवार्डमा २०७६ वैशाखदेखी २०७७ चैत्रसम्म बजारमा आएका गीत संगीतले सहभागिता जनाउन सक्नेछन् । जुरी र भोटको आधारमा अवार्डको अन्तिम निर्णय हुनेछ । अवार्डमा राष्ट्रिय, फिल्म, आधुनिक र पप विधामा देशभरका कलाकर्मीहरुले आवेदन दिनसक्नेछन् ।

आयोजकका अनुसार अवार्डमा नेपाली गीतसंगीतको क्षेत्रमा योगदान पु¥याएका एक विशिष्ट व्यक्तिलाई ‘लाइफ टाइम अचिभमेन्ट अवार्ड’ प्रदान गरिने छ । गीत संगीतको क्षेत्रमा विशिष्ठ योगदान पु¥याउने संंगीतकर्मीलाई विशेष सम्मान गरिने अवार्डमा कला क्षेत्रमा कलम चलाउने पत्रकारलाई समेत सम्मान गरिने आयोजक संस्थाले जनाएको छ ।