काठमाडौं –सुर्य एन श्रेष्ठको निर्देशन फिल्म ‘लाइफ इन एलए’ बन्ने भएको छ । निर्माण टिमले एक पोस्टर सार्वजनिक गर्दै फिल्मको निर्माण घोषणा गरेको हो ।

अप्रिल पहिलो साताबाट अमेरिकाको एलएबाट छायांकन सुरु हुँदैछ । नेपालको पोखरा र एलएमा खिचिने फिल्मको कथा अमेरिकामा बसोबास गर्ने नेपालीको संघर्षमा आधारित हुनेछ ।

बाश इन्टरटेनमेन्टको प्रस्तुतीमा निर्माण हुने फिल्ममा अकेशा बिष्ट, बाश विष्शु, जरेद बिल्लुप्स, साम भुजेल, आयुस केसी र विशाल ढकालको अभिनय रहनेछ । फिल्मका कार्यकारी निर्माता संसार ए सुवेदी हुन् ।

राजेन्द्र ठकुराठी निर्माता रहेको फिल्ममा सुदीप बरालको छायांकन रहनेछ । फिल्ममा श्रीकृष्ण बम मल्लको संगीत, उज्वल ढकालको सम्पादन, प्रतिक्षा श्रेष्ठको मेकअप, प्रदीप आचार्य र प्रवीन खत्रीको प्रोडक्सन डिजाइन छ ।