काठमाडौ–सौन्दर्य प्रतियोगिता ‘नाट मिस एयर होस्टेस इन्टरनेशनल’को ताज अनुशा कार्कीले जितेकी छिन् ।

राजधानीमा हालै सम्पन्न प्रतियोगितामा अनुशाले ‘मस्ट फोटोजेनिक’ र ‘मस्ट ट्यालेन्ट’ को विधागत उपाधि पनि पोल्टामा पारिन् ।

एयर हस्टेस पढिरहेका वा एयर होस्टेस बन्न इच्छुक १६ जना प्रतियोगीहरु समावेश गरिएको उक्त प्रतियोगिता दोश्रो संस्करण हो ।

प्रतियोगितामा इभा जैसवाल ‘फस्ट रनर अप’ र प्रिया गुरुङ ‘सेकेन्ड रनरअप’ घोषित भए ।

विधागत उपाधितर्फ प्रिया गुरुङ ‘वेस्ट वाक’ र ‘जब’ विजेता(यति एयरलाइन्स’, नितिशा विस्ट ‘वेस्ट फिगर’, सिमा गुरुङ ‘वेस्ट पर्सनालिटी’, दिपु शेर्पा ‘मस्ट कन्फिडेन्ट’, करुना नगरकोटी ‘मस्ट डिसिप्लेन’, मञ्जली लामा ‘मस्ट पङ्चुअल’, इभा जैसवाल ‘मस्ट ब्यूटीफुल’ र ‘मस्ट पपुलर’, स्वेच्छा बस्नेत ‘वेस्ट स्माइल’, प्रकृती अधिकारी ‘वेस्ट पर्फमर’ बने ।

प्रतियोगिताको निर्णायकको रुपमा अधिवक्ता गणेश केसी, टर्किस एयरलाइन्सका कन्ट्री डाइरेक्टर अब्दुल्ला टन्कर केसिइ, अन्तर्राष्ट्रिय मोडल तथा अभिनेता दीपक घिमिरे, पूर्व क्याविन क्रिउ कतार एयरवेज र सौर्य एयरलाइन्स अर्चना मिश्र रहेका थिए ।

नाट कलेजको आयोजना र कृजोना मिडिया ग्रुपको इभेन्ट व्यवस्थापन रहेको प्रतियोगिताको कोरियोग्राफी लभिन अन्सारीले गरेका हुन् ।

करिब १ महिना लामो विभिन्न प्रशिक्षण सहित प्रतियोगीतामा प्रतियोगीलाई फाइनल प्रतिस्पर्धा उतारिएको थियो ।

नेपाल वायुसेवा निगम र गिता एभिएसनको मुख्य प्रायोजन साथै ट्रयाङ्कुलिटी स्पा र मुक्तिनाथ विकास बैंकको सह–प्रायोजन रहेको प्रतियोगिताका विजेताले एयर हस्टेस तालिममा शतप्रतिशत छात्रावृत्ति, अमेजमन ग्रुपको तर्फबाट १ वर्षको लागि ब्राण्ड एम्बेसेडर र सिंगापुर भ्रमण, म्युजिक भिडियोमा खेल्ने अवसर पाउनुका साथै व्यक्तित्व विकाससँग सम्बन्धित विभिन्न अन्तर्राष्ट्रिय इभेन्टहरुमा सहभागिता जनाउन पाउने छन् ।