काठमाडौँ- ठमेलमा एक चिनियाँ नागरिक र उनका नेपाली आफन्तको १ लाख ८० हजार रूपैयाँ बराबरको सामग्री लुटिएको दाबी शंकास्पद भएको प्रहरीले जनाएको छ ।

सोमबार राति साढे नौ बजेतिर ठमेल इन्भेष्मेन्ट बैंक नजिक ज्योती शाक्यको घरको चौथो र पाचौँ तलामा डेरा गरी बस्ने चिनियाँ नागरीक युन छियोमिनको कोठाबाट लुटपाट भएको सूचनापछि अनुसन्धानमा जुटेको प्रहरीले घटना शंकास्पद भएको जनाएको हो ।

४/५ जना नकाबधारीहरुले चिनियाँ नागरिक युनसहित उनका साला पर्ने प्रबेश तामाङ र पासाङ तामाङलाई नियन्त्रणमा लिई हातखुट्टा बाँधेर २ तोला सुनका औँठी, बाला र तिलहरी लुटी फरार भएको पीडित उद्धृत गर्दै प्रहरीले जनाएको छ ।

तर, पीडीतहरुले दिएको बयानका आधारमा घटनाक्रम मिल्दोजुल्दो नरहेपछि घटना शंकास्पद मानी थप अनुसन्धान थालिएको काठमाडौं प्रहरी परिसरका प्रमुख एसएसपी अशोक सिंहले जानकारी दिए ।