काठमाडौँ– गोकर्णेश्वर नगरपालिकाले आफ्नो क्षेत्रभित्र रहेका निजी तथा सामुदायिक विद्यालय आगामी १५ गते (मंगलबार)देखि भौतिक उपस्थितिमै सञ्चालन गर्ने भएको छ ।

नगर शिक्षा समितिको आइतबार बसेको वैठकले स्वास्थ्य सुरक्षाको मापदण्ड पूर्णरुपमा पालना गरी विद्यालय सञ्चालन गर्ने निर्णय गरेको हो ।

नगरपालिकाभित्रका सामुदायिक तथा निजी विद्यालय शिक्षक, अभिभावक, राजनितिक दलका पदाधिकारी, वडाअध्यक्ष लगायत सम्बन्धित व्यक्तिहरुसँग आवश्यक छलफल गरेर विद्यालय सञ्चालन गर्ने निर्णय गरेको नगरपालिकाले जारी विज्ञप्तिमा उल्लेख गरिएको छ ।

विद्यालय स्वयंले स्वास्थ्य र सुरक्षाको भरपर्दाे र विश्वसनिय वातावरण अनिवार्य रुपमा तय गर्नुपर्ने नगरपालिकाले जनाएको छ । सो अनुरुप वातावरण तय नभएको पाइएमा नियमअनुसार कारबाही हुने चेतावनीसमेत नगरपालिकाले विद्यालयलाई दिएको छ ।