काठमाडौँ– स्पेनिस ला लिगाको बार्सिलोना छाडेर फ्रान्सको क्लब पेरिस सेन्ट जर्मेन (पीएसजी) पुगेका अर्जेन्टिनी स्टार फुटबलर लियोनल मेस्सी आइतबार पीएसजीको जर्सीमा मैदानमा देखिने भएका छन् ।

​पीएसजीका प्रशिक्षक मारिसियो पोचेटिनोले आइतबारको खेलबाट मेस्सीले पीएसजीका लागि डेब्यू गर्ने बताएका छन् । आइतबार राति १२ बजे रिम्ससँग हुने खेलबाट मेस्सीले फ्रेन्च लिगमा डेब्यू गर्न लागेको स्पेनिस सञ्चार माध्यमहरुले पनि जनाएका छन् ।

मेस्सीले डेब्यू गर्दा पहिलो रोजाइको ११ मा पर्छन् कि सब्स्च्युटका रुपमा मैदानमा छिर्छन् त्यो भने यकिन नभएको जनाइएको छ ।

जुलाई दोस्रो साता सम्पन्न कोपा अमेरिकाको फाइनल खेलेपछि मेस्सी मैदानमा उत्रिएका छैनन्। पीएसजीले यो सिजनमा अहिलेसम्म घरेलु लिगमा खेलेका सबै ३ खेल जितेको छ ।