काठमाडौँ– वाणिज्य, आपूर्ति तथा उपभोक्ता संरक्षण विभागले उपभोग्य म्याद समाप्त भएका वस्तुहरुको बिक्री नगर्न ध्यानाकर्षण गराएको छ।

महामारी न्यूनीकरणसँगै व्यापार व्यवसाय सुचारु हुन थालेपछि उपभोग्य म्याद समाप्त भएका वस्तुहरु बिक्री हुन सक्ने भन्दै विभागले सरोकारवालाको ध्यानआकर्षण गराएको हो ।

विभागले मंगलबार प्रेस विज्ञप्ति जारी गर्दै उपभोक्ताको स्वास्थ्यमा गम्भीर असर पर्न सक्ने हुनाले त्यस्ता खाद्य वस्तुको बिक्री नहोस् भन्नेतर्फ उत्पादक, पठौरीकर्ता, वितरक, बिक्रेताहरु र आम उपभोक्ता सबै जिम्मेवार र सजक रहन आवश्यक रहेको जनाएको छ ।

उपभोक्ता ऐन २०७५, ले उपभोग्य म्याद समाप्त भएका वस्तु आयात एवम् बिक्री गर्नु/गराउनुलाई अनुचित व्यापारिक क्रियाकलाप वा कसुर मानी दण्ड सजायको व्यवस्था गरेको छ ।