मुम्बई(एबीपी लाइभ)– विश्वमा फिल्मी करियर एक फरक जीवनशैली बनिसकेको छ । हरेक जोकोही यो उद्योगको हिस्सा बन्न चाहन्छन् । कलाकारको जीवनशैली र उनीहरुले आत्मविश्वासका साथ अंग्रेजी बोल्दा उनीहरुको पढाई राम्रै होला भन्ने फ्यानहरुले सोच्ने गर्दछन् । बलिउडमा यस्ता केही कलाकार छन् । जसले आफ्नो फिल्मी करियरका लागि पढाई नै छोडिदिए ।

अभिनेता इरफान खानका छोरा बाबिल खान बलिउडमा भर्खर पाइला चाल्दैछन् । समाचारअनुसार उनले फिल्मी अभिनयका लागि आफ्नो पढाईलाई बीचमै छाडेका छन् । बलिउडमा बाबिलमात्र एक्ला कलाकार होइनन्, जसले फिल्मकै लागि पढाई छोडे ।

दिवंगत अभिनेता सुशान्तसिंह राजपुत दिल्ली टेक्निकल युनिभर्सिटीका छात्र थिए । उनी यहाँ इञ्जिनियरिङ पढिरहेका थिए । यद्यपि सुशान्त अभिनयका लागि यति गम्भीर भए कि उनले पढाई पुरा नगरी मुम्बई गए ।

अभिनेता आमिर खान सुरुदेखि नै फिल्ममा करियर बनाउन चाहन्थे । उनले मात्र १२ कक्षा पढेका छन् । त्यसपछि उनले पढाईलाई छाडेर करियरलाई फोकस गर्न थाले ।

अभिनेत्री आलिया भट्टले पनि धेरै पढेकी छैनन् । आलियाको सुन्दरता र उनको प्रतिभाका कारण कैयौं निर्माताहरुको नजरमा उनी परिसकेकी छन् । जसकारण उनलाई कैयौं फिल्मको अफर मिलिसकेको छ । उनले पनि १२ कक्षा पछि अभिनयमै पूर्ण रुपमा सक्रियता बढाइन् ।

अभिनेत्री कंगना रनावतले आफू कहिल्यै कलेज नगएको खुलासा गरेकी थिइन् । उनले परिवारको चाहनाविरुद्ध पढाई छोडेर आफूलाई बलिउडमा स्थापित गराइन् ।

फिल्मी पृष्ठभूमिका अभिनेता रणवीर कपूर पनि बाल्यकालदेखि नै आमाबाबुको जस्तै फिल्ममा नै जाने इच्छा राखेका थिए । त्यो इच्छालाई पुरा गर्न उनले पढाईतिर ध्यान दिएनन् ।

अभिनेता सलमान खानले पनि कलेजको पढाईलाई बीचमै छोड्दै आफूलाई अभिनयमा डोहो¥याए । यद्यपि उनलाई फिल्ममा आउन कुनै समस्या भएन किनकी उनका पिता सलीम खान फिल्ममा ठूला नाम थिए ।

बलिउडका ‘खेलाडी कुमार’का रुपमा परिचित अक्षय कुमारको फिल्ममा कुनै नाता थिएन । उनले आफ्नै मेहनतले बलिउडमा स्थान बनाए । यो मेहनत गर्नका लागि उनले पनि पढाईलाई छोडे ।