लसएञ्जल्स(अमर उजाला)– ओस्कार अवार्ड विजेता हलिउड फिल्म ‘स्लमडग मिलेनियर’ अभिनेत्री फ्रीडा पिन्टो चाँडै आमा बन्दैछिन् । उनले पति कोरी ट्रानका साथ एक तस्वीर सामाजिक सञ्जालमा पोस्ट गर्दै आफू गर्भवती भएको जानकारी दिएकी हुन् ।

तस्वीरमा जोडी निकै खुशी देखिन्छन् । तस्वीरमा फ्रीडाको ‘बेबी बम्प’ प्रष्ट देख्न सकिन्छ । कालो फ्लोरेन्स पहिरनमा उनी निकै सुन्दर देखिन्छिन् । ‘बेबी ट्रान आउनेवाला छन्’, तस्वीरमा उनले लेखेकी छन् ।

फ्रीडालाई सेलिब्रेटीहरुले बधाई दिइरेका छन् । सन् २००८ मा ब्रिटिस फिल्म ‘स्लमडग मिलेनियर’बाट लोकप्रिय बनेकी फ्रीडाले सन् २०१९ मा कोरी ट्रानसँग इन्गेजमेन्ट गरेकी थिइन् ।

फ्रीडाको जन्म मुम्बईको कस्बे मेंग्लोरमा भएको थियो । उनको परिवार मेंग्लोरीयन क्याथोलिक मूलका हुन् । उनले आफ्नो आमाको भनाईलाई अनुसरण गर्दै मोडलिङमा पाइला चालेकी थिइन् । उनको डेब्यू फिल्म ‘स्लमडग मिलेनियर’ले आठ ओस्कार अवार्ड जितेको थियो ।