काठमाडौँ– नेपालमा पछिल्लो २४ घण्टामा १ लाख ११ हजार ५०९ जना कोरोनाको सक्रिय संक्रमित रहेका छन् ।
स्वास्थ्य तथा जनसंख्या मन्त्रालयले जारी गरेको पछिल्लो २४ घण्टाको विवरण अनुसार देशभर १ लाख ११ हजार ५०९ जना सक्रिय संक्रमित आइसोलेसनमा रहेका छन् । यस्तै, देशभर ८९१ जना क्वारेन्टिनमा रहेको मन्त्रालयले जनाएको छ ।
पछिल्लो २४ घण्टामा ४ हजार ४८७ जना संक्रमित थपिँदा थप ६ हजार ८० जना संक्रमणमुक्त भएका छन् । स्वास्थ्य मन्त्रालयका अनुसार देशभरका विभिन्न अस्पतालमा उपचाररत उनीहरु संक्रमणमुक्त भई डिस्चार्ज भएका हुन् ।
योसँगै कोरोना संक्रमणमुक्त हुनेको संख्या ४ लाख ३४ हजार ७५० पुगेको छ । निको हुने दर ७८.६ प्रतिशत रहेको मन्त्रालयले जनाएको छ ।
प्रतिक्रिया